Qofte me domate dhe trahana

Përbërësit:

• 1 kg domate të pjekura
• 5 lgj trahana e thartë
• 6 lgj bukë e grirë (galetë)
• 1 vezë e madhe
• ½ lgj qepë të njoma të grira
• 2 lgj nenexhik i freskët i grirë
• 1½ lgj majdanoz i grirë
• 10 gr pluhur pjekës
• Kripë, piper i zi
• Vaj ulliri për skuqje

Përgatitja:

Grini domatet në rende të trashë ose në procesor dhe kullojini lehtë nga lëngu i tepërt. Vendosini në një tas dhe shtoni trahananë, galetën, vezën, qepën e njomë, nenexhikun, majdanozin, piperin, pak kripë dhe pluhurin pjekës. Përziejini mirë dhe lëreni masën të pushojë rreth 20–30 minuta, që trahanaja të zbutet dhe të thithë lëngjet. Nëse masa del shumë e hollë, shtoni pak galetë ose pak trahana. Ngrohni vaj ulliri në një tigan. Merrni nga një lugë gjelle nga masa dhe skuqini në vaj të nxehtë nga 3–4 minuta për secilën anë, derisa të marrin ngjyrë të artë. Vendosini mbi letër kuzhine që të kullojë vaji. Shërbejini të ngrohta me kos të kulluar ose salcë me kos dhe hudhër, sallatë të freskët dhe pak limon.