Rritet dhuna në familje në qarkun e Fierit, gjatë 2019 janë regjistruar 228 raste

14 Tetor 2019, 19:42

Është rritur numri I rasteve të dhunës në familje në qarkun e Fierit. Vetëm në periudhën janar-shtator të këtij viti janë regjistruar 228 raste të dhunës në familje. Në shumicën e rasteve është burri autor i dhunës kundrejt gruas dhe në 14 raste është gruaja ajo e cila ka ushtruar dhunë ndaj bashkëshortit. Në total janë arrestuar 55 persona, kurse 326 të tjerë janë proceduar në gjëndje të lirë.

Ajo çfarë po vihet re është se kemi një rritje të denoncimeve për dhunë në familje. Sipas psikologes  Enkeleda Dimo gratë gjithmonë e më shumë po ngrijnë zërin ndaj dhunës dhe me ashpërsimin e ligjit për dhunën në familje gratë ndihen edhe më të mbrojtura çka i shtyn edhe në denoncimin e rasteve. Sipas saj shkak i dhunës vijon të mbeten problemet ekonomike dhe mentaliteti.

Është e vërtë që është rritur numëri i rasteve të dhunës në familje por po aq i vërtetë është fakti që tashmë zëri i femrës ndihet më shumë. Denoncimet janë në rritje. Kjo për shkak se edhe masat për personat dhunojnë tashmë janë më të rrepta. Është e dukshme dhe fakti se rritja e dhunës në familje. Kjo për shumë arzye. Për shkak të zvillimi  kulturor dhe social të familjes në vendit tonë. Kjo edhe për shkak të luhatjeve social-ekonomike. " është shprehur psikologja.

Vetë kryeministri Rama para disa ditësh foli për parandalimin e dhunës ndaj grave ku kërkoi një ligj të ri për të frenuar dhunën dhe jo vetëm të denoncohen rastet por ai tha se duhet menduar një sistem riedukues dhe një rrugë të mesme që t'i bëjë burrat të japin llogari dhe të mbajnë përgjegjësi për çdo gjë që bëjnë