Sallatë me kunguj të skuqur

Përbërësit:

• 1 kg kunguj
• 2 lugë gjelle miell
• ½ filxhan çaji vaj për skuqje
• 2 kokrra hudhra
• 2 lugë gjelle uthull
• 2 lugë gjelle vaj ulliri
• Kripë, piper

Përgatitja:

Kungulleshkave të njoma u hiqet cipa duke i kruar lehtë me thikë, shpëlahen dhe priten në feta. U shtohet kripë e piper, lyhen me miell nga të dyja anët dhe skuqen. Kungulleshkat e skuqura vendosen në pjatë dhe sipër u hidhen hudhra të shtypura, vaj ulliri dhe uthull. Shërbehen me pak kos të freskët.