Sejko: Me platformën e-albania, shërbimet e bankave do të jenë më funksionale dhe më të shpejta

6 Maj 2022, 13:29

Po diskutojmë për të harmonizuar përpjekjet e sistemit bankar me platformën e-albania në mënyrë që shërbimet të jenë sa më funksionale, të mos ketë mungesë koordinimi, pra të jetë sa më perfekt që shërbimet të jenë sa më të shpejta. Numri i pagesave elektronike është rritur. Do të vazhdojmë ta ndjekim intensivisht me grupin e punës dhe besoj që shumë shpejt, problemet i kemi të ezauruara. Nuk e shikoj si barrë, por si interes biznesi dhe për ju. Besoj që kostot duhen parë dhe në funksion të uljes së kostove.

Është dhe një projektligj tjetër në studim që është ligji për llogaritë e pagesave për individë që nuk kanë të ardhura që të kenë një kartë pa pagesë. Nga ana ligjore, të gjithë hapat janë ndërmarrë, të harmonizojmë veprimet dhe të koordinohemi me e-albania që shërbimet të merren si në shtetet e tjera më të zhvilluara", tha Sejko.