Në një kohë që Izraeli lë pas edhe izolimin e tretë dhe vaksinimi masiv vazhdon me shpejtësi të plotë, një studim i bërë nga autoritetet vendase tregon se transmetueshmëria e virusit mund të vihet nën kontroll pas vaksinimit me Pfizer dhe Biontech.
Të dhënat e ministrisë së shëndetësisë tregojnë se vaksina është 89% efektiv në parandalimin e infeksionit të çdo lloji.
Studimi u krye në tre javë deri më 6 shkurt, gjatë së cilës vaksina BioNTech / Pfizer ishte e vetmja vaksinë që përdorej Izrael.
Rezultatet e publikuara në Financial Times, treguan se vaksina ishte 89 për qind efektive në parandalimin e infeksioneve të çdo lloji dhe 94 për qind efektive kundër infeksionit simptomatik.
Në fund të asaj periudhe, më shumë se 27 përqind e të gjithë njerëzve në vend mbi moshën 15 vjeç ishin vaksinuar plotësisht.
Të dhënat e reja japin demonstrimin e parë në botën reale të efektivitetit të vaksinës dhe ofrojnë shpresë se ata që imunizohen do të ndihmojnë për të ndaluar përhapjen e infeksionit.
Një tjetër element tejet pozitiv për vaksinën është edhe fakti se varianti B.1.1.7 i zbuluar për herë të parë në Mbretërinë e Bashkuar ishte lloji dominues në Izrael, i gjetur në më shumë se 81 përqind të mostrave. Si të tilla, rezultatet mbështesin gjetjet e mëparshme laboratorike se vaksina është shumë efektive edhe kundër varianteve të reja.
Në Izrael e kanë marrë vaksinën gati gjysma e 9,3 milionë izraelitëve. Ky vend është vendi i parë në botë që ka kryer më shumë vaksinime dhe është i përshtatshëm për vëzhgime shkencore në masë.