Tre të vdekur brenda ditës nga aksidentet rrugore në Tiranë, Golem dhe Fier

20 Tetor, 22:30

Përgjaket e diela! Tre persona kanë humbur jetën si pasojë e aksidenteve rrugore.

Ngjarja më e fundit është ajo e ndodhur në afërsi të TEG-ut, ku automjeti me drejtues E. Ç është përplasur me një motoçikletë me drejtues 46-vjeçarin me inicialet L. M, ku si pasojë e përplasjes dhe plagëve të marra ka ndërruar jetë në spital, drejtuesi i motoçikletës.

Ndërkohë më herët, u regjistrua një tjetër aksident rrugor në zonën e Shkëmbit të Kavajës, ku humbi jetën një 80-vjeçar. Burime për Report Tv bëjnë me dije se kalimtari i identifikuar si R.D., rreth 80-vjeç i ka prerë rrugën automjetit, e për pasojë ka humbur jetën. Uniformat blu bëjnë me dije se drejtuesi i mjetit D. Gj., është shoqëruar  në ambientet e policisë për veprime të mëtejshme.

Gjithashtu, pasditen e sotme në Fier, një 17-vjeçar i pa pajisur me patentë përplasi për vdekje 64-vjeçarin Fatmir Muça. Ai u largua nga vendi i ngjarjes, por u arrestua pas disa orësh.

Kategori të tjera