Vendimi i KE për negociatat/ Cakaj: 30 qershori duhet të jetë dëshmi e qëndrueshmërisë politike

18 Qershor, 19:49

Ministri i Jashtëm në detyrë, Gent Cakaj thotë se Shqipëria e ka merituar hapjen e negociatave në qershor por u shpreh shpresë ploytë se në muajin Tetor do jetë pozitiv. Cakaj tha se rezultati i sotëm përkthehet në relacion sintetike mes këshillit dhe Komisionit, dhe nuk përcakton objektiva të reja duke i qujatur të përmbushura të gjitha ato që ishin vendosur më herët.

Ai shprehu bindjen se afati i caktuar në raportin e publikuar nga KE shmang rrezikun për një shtyrje tjetër të marrjes së vendimit.

"Konkluzionet me numër 38 dhe 39 për Shqipërinë dhe Maqedoninë e Veriut bëjnë të qartë se në mungesë të kohës së mjaftueshme krahasuar me rëndësinë e çështjes, thuhet se vendimi duhet të merret jo më larg se në ditën e muajit të fundit të Tetorit. Raporti është publikuar me vonesë duke lënë më pak se tre javë kohë. Kjo vonesë tashmë është duke u manifestuar edhe në vonesë në vendimmarrjen e Këshillit. Raporti i Komisionit është referenca qendrore se Shqipëria ka përmbushur të gjitha kushtet e nevojshme. Vetë këshilli në konkluzionin nr.39 vlerëson plotësimin e kushteve të paraqitura në 26 qershor 2018. Kjo premisë i largon dilemat nëse puna e qeverisë ka qenë përmbajtësore. Shqipëria nuk mund të përcaktojë agjendën e këshillit por mund të përmbushë kërkesat e tij. Lidhur me afatin substancial të dhënë sot, për muajin tetor Shqipëria mbetet shpresë plotë, duke u angazhuar pozitivisht. Shtyrja nuk mund të jetë një lajm inkurajues sepse Shqipëria e ka merituar hapjen e negociatave që muajin e shkuar. Sidoqoftë Shqipëria ka filluar procesin e shqyrtimit analitik të legjislacionit europian. Ka ardhur koha që ka përparim të marrë trajtën e një procesi politik. Shtyrja e vendimmarrjes nuk është as shkas për sjellje të matura politike por as nuk duhet të përkthehet në rënie të energjive reformatore. Ky proces buron nga objektivi afatgjatë i popullit shqiptar.

Së pari konkluzionet e sotme kanë mundësuar një relacion sintetik mes këshillit dhe Komisionit. Raporti është miratuar nga të gjitha vendet e BE duke shmangur vendosjen e kushteve të reja. Së dyti rezultatet kanë bërë një trajtim identik për Shqipërinë dhe Maqedoninë e Veriut. Të dy këto vende do vazhdojnë të pandara drejt BE. Rreziku serioz i përfshirjes pa një datë vendimmarrje të qartë është shmangur.

Shqipëria duhet të vazhdojë me hapa të qëndrueshëm e të qartë. Shqipëria duhet të ketë rezultate të reja pasi është vënë në një sprovë për ruajtjen e qetësisë së brendshme. Sprova e saj është për të përçuar mesazhe pro europiane. Shqipëria duhet të vazhdojë luftën kundër korrupsionit dhe krimit të organizuar dhe mbajtjen e zgjedhjeve në 30 qershor si dëshmi e qëndrueshmërisë politike. Ato nuk janë vetëm zgjedhje vendore por pjesë e një sprove për të dëshmuar cilësinë e proceseve demokratike. Në datën 30 qershor por edhe gjatë gjithë kësaj periudhe të quajtur krize nuk do ketë ballafaqim të grupeve të ndryshme politike por gjatë kësaj periudhe ka pasur përballje të dy grupimeve të ndryshme, mes atyre që punojnë për hapjen e negociatave dhe atyre që kanë zgjedhur të cenojnë rendin kushtetues për të shpëtuar nga reforma në drejtësi.

Shqipëria duhet të gjejë zërin e përbashkët që vlerësimet teknike të komisionit t'i kthejë në për  mbajtësore. Objektivi për anëtarësim është një ambicie madhore strategjike e Shqipërisë në përgjithësi. Qeveria është e përkushtuar të japë më të mirën nga vetja. Në politikë ashtu si në jetë në përgjithësi për vendimet e drejta nuk është vonë asnjëherë", tha Cakaj.

Kategori të tjera