KRUJË- Policia e Krujës ka arrestuar 9 persona, të cilët kanë rrezikuar shëndetin e banorëve të zonës pasi gjatë prodhimit të gëlqeres përdornin si material djegës plastikë, sintetike, mbetje fasonerie dhe goma automjetesh.
Në prangat e policisë kanë rënë: Lulian Agiçi 38 vjeç; Mirgen Sheta 37 vjeç; Atdhe Sula 43 vjeç,; Ilir Sula 34 vjeç, Bajram Sula 64 vjeç; Liradin Kraja 61 vjeç; Fatmir Shullazi 47 vjeç; Ilir Babasi 48 vjeç dhe Dalip Islamaj 49 vjeç, të gjithë banues në Krujë.
Bie në sy se mes të arrestuarve është edhe 48-vjeçari Ilir Babasi, i cili është kushëriri i ish-deputetit të Partisë Demokratike, Ndriçim Babasi. Ilir Babasi ishte pronar i furrës ku po shkonte kamioni me mbetje fasonerie dhe plastike e rrezikshme për t'u djegur.Një aktivitet i tillë ishte shqetësim i madh për banorët e zonës të cilët rrezikonin shëndetin ndërsa gjatë kontrollit në mbrëmjen e djeshme është sekuestruar edhe një kamion i ngarkuar me mbetje fasonerie, gati për t'u djegur.