Projekti i rrugës Kardhiq - Delvinë, Gjirokastra lidhet me bregdetin duke shmangur Qafën e Muzinës

21 Maj 2018, 08:52

Kryeministri Edi Rama ka përcjellë mëngjesin e kësaj të hëne një lajm të mirë për qytetarët, teksa i ka njohur ata me projektin e një tjetër rruge.

Rama ka postuar në ‘Facebook’ pamjet e rrugës Kardhiq-Delvinë, duke shkruar se ky është një nga projektet e paketës transformuese për ekonominë dhe turizmin e gjithë zonës.

Sipas kreut të qeverisë, kjo rrugë siguron lidhjen shumë më të shpejtë të Gjirokastrës me bregdetin.

MIRËMËNGJES dhe me këto pamje të rrugës Kardhiq – Delvinë, një nga projektet e paketës transformuese për ekonominë dhe turizmin e të gjithë zonës, që siguron lidhjen shumë më shpejtë të Gjirokastrës me bregdetin duke evituar Qafën e Muzinës për të vijuar përmes Nivicës, ju uroj një javë të mbarë.