Një çift është përplasur nga një makinë mëngjesin e sotëm në aksin Elbasan-Peqin në fshatin Pajovë. Ata ishin duke kaluar rrugën në momentin që u përplasën nga një makinë. Të plagosurit janë transportuar në spitalin e Elbasanit, ndërsa është shoqëruar drejtuesi i mjetit me inicialet M.B.

Në vend thuajse cdo ditë regjistrohen aksidente me pasoja. Mbrëmë një person mbeti i vdekur dhe tre të tjerë u plagosën në një aksident rrugor të ndodhur në superstradën Lezhë-Laç. Viktima ishte drejtues i regjimit të brendshëm në burgun e Shën Kollit.