Anglia ka kaluar në epërsi në minutën e dytë ndaj Italisë në finalen e Euro 2020 duke ngritur peshë zemrat e tifozëve në Wembley.

Luke Shaw shënoi një gol mahnitës vetëm dy minuta pas fillimit të ndeshjes, ku çliroi tensionin 60,000 tifozëve, ndërsa Tre Luanët kërkojnë të sigurojnë trofeun e tyre të parë të madh në 55 vjet.

Nga shkallët e stadiumit, u pa edhe princ George i cili festoi sapo u shënua goli, duke u hedhur në krahët e nënës së tij Kate ndërsa Princi William duartrokiste i lumtur.