Prej disa javësh zjarret e furishme në Australi kanë zhdukur rreth 500 milion kafshë nga më të ndryshmet. Teksa njerëzit janë larguar nga rreziku i zjarreve stafet mjekësore veterinare dhe zjarrfikësit po përpiqen të shpëtojnë me sa mundet kafshët e mbetura por zjarret vijojnë të shkaktojnë dëme kolosale.

Mijëra imazhe dramatike të kafshëve që të cilat janë djegur të gjalla, kanë pushtuar rrjetin. Ndërkohë që mijëra kafshë të tjera janë shpëtuar nga banorët dhe nga shërbimet veterinare. Më të rrezikuarat janë kafshët si 'Koala' apo 'Kanguri' specie kjo simbol i Australisë por që janë seriozisht të rrezikuara.

“Rreth 500 milion kafshë, përfshirë specie të rrezikuara në mënyrë kritike, tashmë janë zhdukur në zjarret,” tha Drejtori i Përgjithshëm i Zoos Victoria, Jenny Grey.