Vijon aksioni i pastrimit të bashkive Pogradec, Vau i Dejës, Mat dhe Kukës. Kryeministri Edi Rama njofton përmes një postimi në rrjetet sociale se këto bashki të cilat më herët drejtoheshin nga partitë opozitare që nga 30 qershori janë me sytë nga e ardhmja.
"Në Pogradec, Vaun e Dejës, Mat, Kukës, ku s’kanë të mbaruar kodrat me plehra, të krijuara në një periudhë të gjatë braktisjeje të detyrës e të shërbimeve ndaj komunitetit, në bashkitë ku 30 qershori i hapi rrugë një katërvjeçari qeverisjeje të përgjegjshme, me sytë tek e ardhmja e tek qytetarët pa dallim",shkruan Rama teksa poston edhe disa foto nga aksioni.
