Shpëtim Idrizi dhe simpantizantë të PDIU organizuan një protestë para ministrisë së jashtme para vizitës së ministrit të jashtëm grek Nikos Dendias. Ata u përplasën me policinë e cila nuk kishte dhëne leje për zhvillimin e protestës. Për Idrizin, kjo është protesta ku policia është sjellë më keq duke i paralajmëruar se do i mbajë mend një e nga një, emër për emër, dhe do i përballë me ligjin. Pas protestës te Ministria e Jashtme, protestuesit janë zhvendosur në Kryeministri, ku pritet që ministri grek të takohet me kreun e qeverisë Edi Rama.