TIRANE - Me mijëra janë të rinjtë që të ardhmen e shohin në radhët e Policisë së Shtetit për Patrullë të Përgjithshme. Mbi 2000 vetë kanë marrë pjesë këtë të mërkurë në testimin me shkrim mbajtur në Pallatin e Kongreseve për tu pranuar në fazën e parë të rrugës drejt uniformave blu Hapi i dytë është testimi fizik. Testimi zhvillohet në dy faza brenda ditës, të ndara në disa qarqe: Fillimisht qarqet Tiranë, Berat, Durrës e Fier dhe më tej, Gjirokastër, Vlorë, Elbasan, Korcë, Lezhë, Shkodër, Kukës, Dibër. Pyejet janë me karakter të përgjithshëm dhe testimi kryhet nën monitorimin e kamerave.