TIRANË- Një atentat ka ndodhur pak çaste më parë në zonën e ish-Bllokut. Një person është vrarë dhe dy të tjerë kanë mbetur të plagosur.
Burime për 'Report Tv' dhe 'Shqiptarja.com' bëjnë më dije se i plagosur ka mbetur Ervis Martini, gjendja e të cilit ende nuk dihet.
Sa i përket viktimës, policia ende nuk ka arritur që ta identifikojë për shkak se nuk ka dokumente identifikimi por dyshohet se ka lidhje të ngushta familjare me Martinin. Të njëjtat burime bëjnë me dije se atentati ka ndodhur në lokalin e Redi Popeskut. Lokali i Popeskut ndodhet pranë KFC-së, në një rrugë shumë të frekuentuar nga të rinjtë e kryeqytetit.
Ende nuk dihen shkaqet e ngjarjes, ndërsa policia ka mbërritur në vendngjarje dhe ka filluar punën për kapjen edhe identifikimin e autorëve.
Njoftimi i policisë:
Tiranë
Informacion Paraprak
Më datë 04.10.2018, rreth orës 21:50, në zonën e “Bllokut” në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë.
Po punohet për zbardhjen e rrethanave të ngjarjes, identifikimin dhe kapjen e autorit
Mbrëmjen e sotme në ish-Bllok një person mbeti i vdekur nga një atentat dhe dy të tjerë u plagosën me armë zjarri.
Viktima ende nuk është identifikuar, njëri nga dy të plagosurit është Ervis Martinaj, i cili ishte objektivi, ndërsa tjetri dyshohet se është Redi Popescu.
Ervis Martinaj është një emër i njohur për drejtësinë, pasi është përfshirë në disa ngjarje mes të cilave ajo në lokalin “Muraga” në zonën e Linzës në 2016.
Ngjarja ka ndodhur në lokalin e Redi Popescut në Bllok, i cili frekuentohet nga të rinjtë. Popescu është mik i Martinajt dhe biznesmen i njohur.
