Kryeministri i vendit Edi Rama ishte i pranishëm në përurimin e përfundimit të investimit të Qendrës historike të Vlorës.
Gjatë fjalës së tij ai vlerësoi punën e të gjithë aktorëve për ndërhyrjet në restaurimin e zonës historike dhe u shpreh i impresionuar nga transformimi bashkëkohor i këtij investimi.
“Edhe për mua që e kam parë me sytë e mendjes këtë zonë, shumë kohë më parë dhe kam qenë nxitës i këtij bashkëpunimi shembullor me Fondacionin Amerikan, them se qendra historike e Vlorës, ka ardhur në dritë përtej parashikimit” – tha Rama.
Ai theksoi se “është një hapësirë tërësisht e re, jo thjeshtë e pastër dhe e bukur, por edhe mundësi e zhvillimit ekonomik dhe për këtë i jam mirënjohës atyre që kanë kontribuar për këtë transformim shembullor”.
Gjithashtu Rama ka postuar në faqen e tij të Facebook një fotoalbum nga kantieri i Rilindjes së lagjes historike të Vlorës.
“FOTOALBUMI i vizitës në Kantierin e Rilindjes së Lagjes Historike të VLORËS”- shkruan shefi i qeverisë teksa poston fotot