INDONEZI- Një aeroplan me 188 persona në bord është rrëzuar në brigjet indoneziane, teksa sapo ishte ngritur nlarguar nga Xhakarta.
Sipas autoriteteve, aeroplani humbi kontaktin me kullën e kontrollit ajror 13 minuta pasi u ngrit në fluturim duke përfunduar në det.
Aeroplani kryente itinerarin Xhakarta-Sumatra, një fluturim që zgjaste më pak se një orë dhe po transportonte 178 të rritur dhe një fëmijë, përfshirë edhe dy pilotët e pesë anëtarët e ekuipazhit.
Shkaqet e rrëzimit dhe zhdukjes së tij janë ende të paqarta, ndërsa kanë filluar kërkimet për gjetjen e të mbijetuarve dhe kutisë së zezë, e cila edhe do të zbulojë shkaqet e aksidentit.
Aeroplani është ndërtuar kohët e fundit, dhe ka rreth 800 orë fluturimi, ndërsa piloti dhe bashkëpiloti i tij kishin 11,000 orë fluturimi së bashku. Një Boeing-737 Max 8, mund të mbajë deri në 210 pasagjerë.
