Mes lajmeve të trishta, për vdekjen e 90 personave dhe plagosjen e 150 të tjerëve pas sulmit në Kabul, pamje që reflektojnë paqe dhe siguri vijnë nga Koreja e Jugut.
“Ne do të ndajmë dhimbjen tuaj së bashku. Paçi një qëndrim sa më të rehatshëm.”, me këto fjalë në një pankartë të madhe të vendosur në aeroport, ka pritur Koreja e Jugut qindra afganët e evakuuar.
Në sytë e trembur të fëmijëve të vegjël, kishte rënë hija e paqes ata tashmë janë të sigurt...Në duar mbanin arushat e tyre, për t’i shtrënguar kur zhurma dhe kaosi i vendit ku lindën i frikësonte.
Puna për evakuimin e sa më shumë prej personave të ndodhur në aeroport në pritje me padurim për t’u larguar vazhdon.
