Godina e ndërtuar në vitin 2002 në zonë e Paskuqanit mund të jetë shkolla e vetme në botë e cila është vendosur sipër varrezave. Një situatë që shkakton frikë dhe ankth tek nxënësit çdo ditë. Ndërsa brenda në klasë bëhet mësim, përtej dritares nxënësit i shoqëron pamja e varrezave.  Përmes imazheve satelitore jemi rikthyer “pas në kohë” në vitin 2002 kur shkolla sapo ishte ndërtuar. Nga foto shohim që në atë kohë në varrezat e Babrrusë kishte vetëm disa varre që me kalimin e viteve u shtuan në disa qindra varre të tjerë. Varreza tashmë duket se ka “rrethuar” këtë shkollë.