Peshëngritësi shqiptar Briken Calja mban premtimin duke u shpallur kampion Europe në Rumani. Ai triumfoi duke arritur që të rrëmbejë tre medalje të arta, në shkëputje, shtytje dhe në dy garësh në peshën deri 69 kg. Peshëngritësi shqiptar e nisi mjaft mirë garën duke realizuar me sukses të tre provat në shkëputje.
Në provën e parë ai ngriti me shumë lehtësi 141 kg, në të dytën 143 kg, ndërsa në provën e fundit tentoi duke arritur me sukses 146 kilogramë. Sot ishte dita e tij. Pas stilit të shkëputjes, ai triumfoi edhe në shtyje, pasi ngriti 175 kg.
Në provën e parë ai ngriti 171 kg, në provën e dytë dështoi me 175, por në të tretën u tregua i saktë duke fituar medaljen e dytë të artë. Në total peshëngritësi shqiptar, në shkëputje dhe në shtytje ngriti 321 kg duke marrë një tjetër medalje të lartë në dy garësh.
