Situata e shkaktuar nga temperaturat e larta në Kanada dhe në disa shtete të Shteteve të Bashkuara të Amerikës vazhdon të jetë tejet shqetësuese. Autoritetet në Kanada dhe në Oregon dhe Uashington bëjnë me dije se mbi 500 persona kanë humbur jetën nga temperaturat përvëluese në ditët e fundit dhe kan gjasa që një situatë e tillë të përkeqësohet në ditët në vijim.
Zyrtarja e British Columbia, Lisa Lapointe shprehet se të dhënat flasin për 486 vdekje në 5 ditët e fundit, në një kohë kur provinca kanadeze për një periudhë kaq të shkurtër kohore, në rastin më të keq ka raportuar 165 fatalitete.
