VLORE - Përfshihet nga flakët një automjet tip "Benz AMG" me targa AA 306 TF në autostradën Vlorë-Levan, teksa ka qenë në lëvizje në afërsi të fshatit Novoselë.
Nuk raportohet për të lënduar, pasi drejtuesi ka braktisur menjëherë automjetin në momentin e rënies së zjarrit. Vijojnë hetimet për shkaqet e këtij incidenti ku paraprakisht dyshohet se ka pasur një shkëndijë në paketën elektrike. Është dashur ndërhyrja e shërbimit zjarrfikës për neutralizimin e flakëve.
