TIRANË- Gazi lotsjellës ka përçarë protestuesit t ë cilët edhe sot si 2 ditë më parë u mblodhën për të protestuar për Klodjan Rashën. Protesta nisi rreth orës 18:30 me tensione, ku protestuesit sapo panë efektivët e policisë që po zbrisnin në terren nisën të qëllonin me gurë e shashka në drejtim të tyre, megjithatë policia u kundërpërgjigj me autobotet me ujë e gaz-lotsjellës.

Në terren kanë zbritur rreth 1500 efektiv policie. Në këtë protestë të tretë, ata kërkojnë largimin e drejtorit të Policisë së Shtetit, Ardi Veliu, edhe pse kryeministri Edi Rama e ka thënë shkurt dhe qartë që një gjë e tillë nuk do të ndodh, duke shtuar se akti i dorëheqjes së ministrit Lleshaj nuk duhet marrë si dobësi e Shtetit.  Protesta ka vijuar edhe në rrethe, ku në disa prej tyre ka dhe simpatizantë të PD e LSI.