Prishtina po vlon nga tensionet mbrëmjen e kësaj të hëne, pasi votimi pwrfundimtar i ndryshimeve në Ligjin për Dhomat e Specializuara mbeti pezull kur deputetët e Vetëvendosjes dhe LDK-së u larguan nga Kuvendi. Protestuesit, të cilët kërkojnë miratimin e ndryshimeve për Specialen, u përplasën me Policinë e Kosovës. Për t'i larguar nga zona pranë Kuvendit, efektivët përdorën gaz lotsjellës, spraj dhe topa uji. Nga përplasjet, 12 persona kërkuan ndihmë mjekësore, mes tyre edhe një polic.
