Një ngjarje e paprecedentë është shënuar mesditën e së martës në qytetin e Peshkopisë. Drejtoresha e Spitalit Rajonal Dibër, Irini Shehu, ka dhunuar shefin e Financës së spitalit, Shaban Uklala. Shehu e ka goditur me shishe vartësin e saj, duke i shkaktuar plagë në fytyrë. Mësohet se ajo e ka thirrur në zyrën e saj vartësin dhe në debat e sipër e ka goditur me shishe. Motivet e konfliktit janë ende të panjohura.
