Zbulohen detaje të reja nga droga e kapur në Brazil.
Është zbuluar identiteti i katër personave të arrestuar në datën 1 tetor, pasi iu gjetën 617 kg kokainë teksa po udhëtonin në me kamion.
Ata janë: P. O. O. C. 24 vjeç; M. A. P. 49 vjeç; N. P. 52 vjeç dhe J. C. G. A. 40 vjeç.
Në kamionin e bardhë Mercedes Bens 1620 me targa të Pontes Lacerda CVN3518, u gjet sasia e 617 kg kokainë, që kishin të vulosur K.F. Elbasani.
Sipas medias së huaj, kamioni ishte nën shënjestër të policisë pasi disa persona ishin ankuar më parë.
Personat e arrestuar pronën e kishin kthyer në një rafineri të ambalazhimit të kokainës.
Në pronën që ndodhej në Gleba Tibaji afër Brasnorte u gjet një sasi e madhe e lëndëve narkotike dhe materiale të ndryshme për mbështjelljen e vendosjen e drogës.
Përvec 617 kg drogë, policia sekuestroi edhe disa tableta të substancës hidroklorur kokainë dhe 2 tableta të një lënde të pastës së kokainës.
Policia sekuesteroi kamionin e mallrave tip Mercedes 1620 me targa cvn3518, një fiat të bardhë me targa ndh7227 dhe një fiat me ngjyrë argjendi me targa nju9234.











