1 Maji me protesta! Peshkatarët në Durrës kërkojnë naftën pa akcizë! Tregtarët e rrobave të përdorura: Duam pagë lufte, po jetojmë me borxhe

Pas 300 punonjësve të një fasonerie, kanë protestuar 25 punonjës të rafinerisë së Bitumit të lëngshëm pjesë e rafinerisë së naftës ARMO.  Ata kërkojnë 58 paga të prapambetura. Punonjësit kërkojnë ndërhyrjen e qeverisë. Ata rezultojnë ta kenë ndërprerë marrëdhënien  me kompaninë qysh në 2017-tën, prej tre vitesh të papunë kjo kategori punëtorësh nuk trajtohet as me pagën e luftës. 

Punëtorët thonë se kërkojnë një zgjidhje pasi kanë kërkuar zgjidhje të problemit në rrugë gjyqësore por procesi është  shtyrë për mosparaqitje të përfaqësuesve të kompanisë. Punëtorët e rafinerisë së naftës dhe Bitumit në Vlorë,  janë shkurtuar nga puna  pas ndërrimit të kompanisë menaxhuese të ARMO-s vite 
më parë.
 

Tregtarët e rrobave të përdorura kanë protestuar ditën e sotme para bashkisë së Durrësit. Ata kërkojnë që të përfshihen në skemën e pagës së luftës. Tregtarët shprehen se kanë që nga 11 marsi që janë bllokuar dhe janë pa të ardhura. Ata ankohen se po ndjejnë problemet financiare në familjet e tyre. 

"Jemi njerëzit më të varfër, me atë që sheshim sot, hamë sot, ne kërkojmë që të na jepet një pagë lufte. Kemi që prej 11 marsit që na ka ndaluar qeveria. Na thonë se do të presim, për lekët asgjë. Ne në fakt nuk paguajmë tatim taksa, trajtohemi si ambulantë" tha njëri prej tyre.

DURRËS- Peshkatarët e Durrësit kanë dalë në protestë pasi kërkojnë të furnizohen me naftë pa akcizë, pasi sipas tyre çmimi është i papërballueshëm, në një kohë kur puna e tyre është bllokuar për mbylljes së bizneseve si pasojë e COVID-19.

Sipas tregtarëve çmimi naftës është i shtrenjtë dhe me shitjen e peshkut nuk fitojmë asgjë.

Ato i kërkojnë ministrisë që të ndërhyjë pasi blejnë 80 lekë/ litër çmimin e naftës, ndërkohë që vjet në këtë periudhë e kanë blerë më lirë.