1 viktimë nga COVID-19 në Kosovë, regjistrohen 70 raste të reja infeksioni në 24 orë

Foto ilustruese

KOSOVË- Situata epidemiologjike në Kosovë ka pësuar një rritje të ndjeshme prej katër ditësh. Në 24 orët e fundit si rezultat i 2.941 testimeve 70 persona kanë rezultuar pozitivë me koronavirus. Ndërsa është regjistruar 1 viktimë nga COVID-19 në 24 orë.

Instituti i Shëndetësisë Publike bën e dije se 8 qytetarë janë shëruar nga virusi, ndërsa që nga fillimi i pandemisë në vend 105.641 persona kanë arritur ta fitojnë luftën me koronavirusin.

Numri total i infektimeve ka shkuar 108.273, ndërkohë që ai i viktimave është 2.266 në të gjithë vendin që nga fillimi i pandemisë. Ndërkaq, numri i rasteve aktive në vend është rritur ndjeshëm, ku përkatësisht në të gjithë vendin numërohen 336 qytetarë me koronavirus.

Në lidhje me numrin e qytetarëve që janë vaksinuar kundër COVID-19, IKSHKP bën me dije se 12.832  qytetarë kanë marrë dozën e vaksinës anti-COVID në 24 orë. Që nga fillimi i procesit të vaksinimit në muajin mars, 413.078 persona janë vaksinuar gjithsej, ku prej tyre 137.445 i kanë marrë të dyja dozat.

 

SI.E./Shqiptarja.com
  • Sondazhi i ditës:

    Ish-kryeprokurori Llalla dënohet me dy vite burg, a besoni se drejtësia e re do të ndëshkojë edhe të tjerë zyrtarë të lartë?

Komento


×

Lajmi i fundit

John

Italia i përgjigjet thirrjes së Biden/ Draghi: Do të dhurojmë edhe 30 milionë doza të vaksinës anti-COVID