Krerët e shtetit të Kosovës kanë pritur ditën e sotme gazetarët ukrainas të cilët janë duke u strehuar në Kosovë, në një vjetorit të luftës në Ukrainë.
Gjatë fjalimit të Presidentes Osmani, para gazetarëve ukrainas, ka shprehur përkrahjen për Ukrainën si dhe ka kërkuar që të punohet ngushtë për të arritur paqen.
“Lufta e paprovokuar në Ukrainë tregon për rrezikun nga regjime autoritare si ai i Putinit që kërkon zgjerimin e fuqisë, ndikimit dhe territorit duke cenuar të drejtat dhe sovranitetin e kombeve të tjera, e duke kryer krime të llahtarshme për t’i arritur këto qëllime. Në duhet të jemi unikë dhe të vendosur kundër çdo përpjekjeje për t’i minuar vlerat dhe parimet tona evropiane. Për më tepër, duhet të punojmë ngushtë me aleatët dhe partnerët tanë për të pamundësuar ndikimin e autokratëve dhe për ta mbrojtur rendin ndërkombëtar të bazuar në rregulla ku kombet e shtetet mund të bashkëjetojnë në mënyrë paqësore dhe duke respektuar njëri-tjetrin,”- ka deklaruar Osmani.
Osmani, nuk ka lënë pa përmendur edhe “aleancën” e Serbisë me Rusinë, gjë që është evidentuar në mos vënien e sanksioneve nga ana e Beogradit. Sipas saj, Vuçiç se është duke i qëndruar afër presidentit rus Putin, në të njëjtën mënyre siç i kishte ndenjur afër Slobodan Millosheviçit.
“Më 1999 bota demokratike u vu në anën e Kosovës duke na mbrojtur nga shfarosja prej regjimit gjenocidial të Millosheviqit. Sot bota demokratike është në anën e Ukrainës sepse e drejta është në anën e saj. Për vitin 1999 në Kosovë dhe ky vit që po e lëmë pas në Ukrainë duhet të na mësojë edhe shumë mësime të tjera. Mbi të gjitha, nuk duhet ta harrojmë se kush ishin ata që ishin në krah të Millosheviqit në vitin 1999 e që qëndrojnë në krah të Putinit sot në vitin 2023, e të kuptojmë njëherë e mirë se ata që avokojnë për gjenocid njëherë, nuk mund të shndërrohen në agjentë të paqes asnjëherë.’’- tha Osmani.
Ndërsa kryeministri Albin Kurti ka thënë se Kosovë mbështet Ukrainën deri në fitore.
“Në një ditë të zymtë si kjo megjithatë jemi të lumtur që Kosova jonë është bërë shtëpi e 12 gazetarëve ukrainas. Do të jemi pranë jush si popull si institucione, si dje si sot si nesër. Mbështetje deri në fitore. Ukraina duhet të fitojë sepse vetëm kështu do të ruhet paqja dhe demokracia në kontinentin e Evropës”, ka thënë Kurti.
Ashtu si në Tiranë, edhe në Shkup të Maqedonisë së Veriut është mbajtur një marshim në mbështejte të plotë të sovranitetit dhe integritetit territorial të Ukrainës që prej një viti ndodhet nën sulmin e vazhdueshëm të Rusisë.
Maqedonia e Veriut ka qenë një prej shteteve që ka mbështetur rezolutat dhe sanksionet e BE-së ndaj Rusisë si dhe ka kontribuar me pajisje ushtarake dhe ndihma të tjera të nevojshme për popullin ukrainas. Në duar, qytetarët mbanin banderolën gjigande ku shkruhej "Rusia është një shtet terrorist".
Lajme të tjera
-
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10 -
Ngrihet aktakuzë në mungesë për krime lufte në Kosovë
23 Dhjetor, 11:01 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11
