POP 5

Lajmet më të lexuara të 5 minutave të fundit

Arkiva

100 vjetori i pavarësisë, Basha
në Shkup për sheshin “Skënderbej”

Gjatë qëndrimit në kryeqytetin e Maqedonisë Basha zhvilloi takim me liderët e partive shqiptare, Menduh Thaçi, keu i PDSH-së dhe Ali Ahmeti kreun e BDI-së. Kërkohet bashkëpunimi me qëllim përmirësimin e cilësisë së jetës së qytetarëve.( ne foto Basha ne Shkup per vendosjen e gurthemelit te sheshit Skenderbej)
SHKUP - Kryetari i Bashkisë Lulzim Basha çeli sot në Shkup siparin e manifestimeve për 100-vjetorin e pavarësisë së Shqipërisë, ku
Vendosi dhe gurin e parë në ndërtimin e sheshit “Skënderbej”.

Gjatë qëndrimit në kryeqytetin e Maqedonisë Basha zhvilloi takim me liderët e partive shqiptare, Menduh Thaçi, keu i PDSH-së dhe Ali Ahmeti kreun e BDI-së.

Kryetari i Bashkisë së Tiranës dhe kreu i PDSH-së, Thaçi vlerësuan domosdoshmërinë e bashkëpunimit e një bashkëpunimi më të thellë mes bashkisë së Tiranës dhe komunës së Tetovës si komunë më e madhe shqiptare në Maqedoni, që drejtohet nga Partia Demokratike Shqiptare për përmirësimin e cilësisë së jetës së qytetarëve.

“Interesat tona për një konsolidim të bashkëpunimit ekzistues dhe hapjen e fushave të reja të bashkëpunimit midis gjithë komunave dhe bashkive shqiptare në rajon do të përkthehet në aktivitete e angazhime konkrete, jo vetëm të lidershipit, por të të gjithë faktorëve politikë të shoqërisë civile, ekonomikë, në mënyrë që roli i pushtetit vendor në këtë 100-vjetor të jetë determinant, përcaktues” - u shpreh Basha.

Nga ana e tij Kryetari i Partisë Demokratike Shqiptare, Thaçi shprehu shqetësimin “për shkak të bllokimit të procesit integrues, mospasjes së asnjë sinjali, se ky proces do të zhbllokohet, vështirësitë në të cilat hasin shqiptarët kohët e fundit, si në aspektin e të drejtave kombëtare, ashtu edhe në aspektin e një varfërie e cila dita-ditës u kanoset”

Në takimin me Ali Ahmetin, dy zyrtarët vlerësuan se figura e heroit kombëtar si simbol i shqiptarëve kudo që janë dhe ka mbajtur të gjallë shpresën e shqiptarëve.
( ne foto Basha ne Shkup per vendosjen e gurthemelit te sheshit Skenderbej)
(aq/sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35