11 bebe në orët e para të vitit në Tiranë, Manastirliu në Maternitetin 'Mbretëresha Geraldinë': Mirënjohje për stafet mjekësore, investime të rëndësishme gjatë 2023

11 bebe në orët e para të vitit në Tiranë, Manastirliu në Maternitetin 'Mbretëresha Geraldinë': Mirënjohje për stafet mjekësore, investime të rëndësishme gjatë 2023

1672569465_Capture.JPG

Ministrja e Shëndetësisë dhe Mbrojtjes Sociale Ogerta Manastirliu ka vizituar mëngjesin e sotëm të porsalindurit në dy maternitetet e Tiranës, duke iu dorëzuar bonusin e bebes dhe duke falenderuar stafet mjekësore që ishin në detyrë në natën e ndërrimit të viteve dhe në këtë ditë të parë të Vitit të Ri.

“Jam sot këtu për  të dhënë me kënaqësi bonusin e bebes për fëmijët e parë të vitit 2023, ashtu siç kemi bërë gjatë 2022 nëpërmjet programit të qeverisë sonë nga i cili kanë përfituar rreth 42 mijë të porsalindur. Dhe që prej fillimit të këtij programi në vitin 2019 janë rreth 159 mijë të porsalindur që kanë përfituar nga bonusi i bebes. Ne do të vazhdojmë me programet tona për mbështetjen e fëmijëve”, tha Manastirliu. 

Ministrja e Shëndetësisë u shpreh se investimet për transformimin e sistemit shëndetësor do të vijojnë gjatë 2023.

“Jemi duke përfunduar fazën e parë të investimit në Maternitetin Mbretëresha Geraldinë dhe do të vijojmë menjëherë në fazën e dytë me godinën qendrore, sikurse do të vijojmë investimet në të gjithë vendin. Po jo vetëm në infrastrukturë por edhe në teknologji e inovacion do të investojmë përgjatë 2023”, tha Manastirliu.

Në ditën e parë të vitit 2023, Ministrja e Shëndetësisë dhe Mbrojtjes Sociale Ogerta Manastirliu ka vlerësuar dhe falenderuar stafet mjekësore që janë në shërbim të qytetarëve në këto ditë festive.


Lajmi kryesor:

Bonusi i bebeve/ Rama: U dha për 11 fëmijët e parë të këtij viti, do të vazhdojë mbështetja njësoj si gjatë vitit 2022


  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

VIDEO/ Panik në ndeshjen Skoci - Hungari, lojtari hungarez përplaset në zonë dhe transportohet në spital! Përloten tifozët

VIDEO/ Panik në ndeshjen Skoci - Hungari, lojtari hungarez përplaset në zonë dhe transportohet në spital! Përloten tifozët