Policia dhe Prokuroria e Kosovës kanë filluar intervistimin e disa grave që janë kthyer të shtunën në mëngjes nga Siria, me dyshimin se ishin pjesëmarrëse në grupe terroriste. Të shtunën në mëngjes autoritetet e Kosovës të ndihmuara nga Shtetet e Bashkuara të Amerikës kanë kthyer 110 persona nga zonat e luftës në Siri, 74 fëmijë, 32 gra dhe 4 persona të rritur që dyshohet se kanë qenë luftëtarë. Avokatja Fehmije Gashi Bytyqi ka ardhur në Qendrën për Mbajtjen e të Huajve në fshatin Vranidoll afër Prishtinës, për të mbrojtur një grua e cila dyshohet se ka marrë pjesë në një organizatë terroriste në Siri, dhe që burri i saj ende po qëndron në zonën e luftës në Siri.
“Policia e Kosovës, përmes Odës së Avokatëve më kanë ftuar sipas detyrës zyrtare të mbrojë një grua e cila dyshohet se ka marrë pjesë në grupet terroriste në Siri. Zonja të cilën e mbrojta ishte mjaftë shëndetlig ishte nënë e katër fëmijëve. Më tutje çka vepron Prokuroria Speciale e Kosovës nuk e di ngase është një sfidë edhe për vet institucionet e Kosovës sepse tash këto përveç që janë të dyshuara ato në anën tjetër, për shembull e mbrojtura ime ishte edhe nënë e katër fëmijëve,” tha avokatja Gashi-Bytyqi. Aktualisht, të gjithë të kthyerit po i nënshtrohen ekzaminimeve mjekësore dhe ende nuk dihet kur do të lirohen. Nga personat e kthyer janë edhe katër militantë të cilët aktualisht janë në paraburgim si të dyshuar për pjesëmarrje në organizata terroriste. Naile Arifi nga Prishtina, erdhi në qendër me familjen e saj për të vizituar gruan dhe pesë fëmijët e vëllait të saj i cili ka vdekur në zonat e luftës në Siri para tri vite e gjysmë. Ajo tha se nuk i ka parë familjarët e saj për pesë vite e gjysmë.
“Ne këtu kemi ardhur t’i shohim fëmijët e vëllait dhe gruan e tij. I takuam elhamdulilal, mirë qenkan, mirë i kanë pritur. I falënderoj edhe këta (institucionet) që i kanë pritur mirë. Që pesë vjet e gjysmë nuk i kemi parë deri më tani. Gjendja e tyre është mirë, edhe pse një fëmijë i vëllait e kishte thyer këmbën, por mirë janë këta të tjerët, mirë janë,” tha Arifi. Takimi i Nailes me pesë fëmijët dhe gruan e vëllait të saj zgjati rreth 10 minuta. Nailja është vetëm njëra nga shumë anëtarë familjarë që vijnë të vizitojnë të afërmit e tyre që po qëndrojnë në këtë qendër. Vizitat e tyre zakonisht zgjasin vetëm disa minuta. Sipas Policisë së Kosovës, shkruan Radio Europa e Lirë në Siri ende janë rreth 30 luftëtarë, 49 gra dhe tetë fëmijë të cilët janë me shtetësi kosovare. Që nga viti 2012 rreth 400 njerëz nga Kosova i janë bashkuar të ashtuquajturit Shteti Islamik.
Ndërkohë që në kampin “Al Hol” në Siri që kontrollohet nga forcat ushtarake kurde, jetojnë edhe 50 shtetas shqiptarë, kryesisht fëmijë dhe gra, që janë kapur gjatë luftimeve mes forcave kurde dhe dy organizatave terroriste ISIS dhe Al-Nustra që vepronin në Siri dhe Irak. Shteti shqiptar nuk ka bërë ndonjë lëvizje për të riatdhesuar gratë e fëmijët të luftëtarëve të ISIS dhe Al-Nustra. Shteti nuk u trembet fëmijëve, të cilët janë të pafajshëm në këtë histori, por grave, teksa një pjesë e tyre janë ekstremiste dhe përbëjnë rrezik potencial për kërcënim nëse do të riatdhesoheshin për shkak të ndikimit që kanë pësuar gjatë qëndrimit në Siri. Jo vetëm Shqipëria por edhe shtetet e tjera kanë frikë që të hapin dyert për këta njerëz për shkak të kërcënimit që paraqesin.
Komente
Lajme të tjera
-
VIDEO/ Brenda burgut të frikshëm, ku Assad ekzekutoi 30 mijë njerëz
9 Dhjetor, 10:50 -
Rënia e Assadit/ Al Jolani zgjedh kryeministrin e ri për qeverinë tranzitore, besnik i tij! Lirohen të burgosurit e regjimit
9 Dhjetor, 09:41 -
Siria/ Efekti domino: Nga Damasku në Kiev, balancat e reja botërore
9 Dhjetor, 07:52 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Kishte planifikuar sulm terrorist ditën e zgjedhjeve në SHBA, arrestohet i riu nga Afganistani
9 Tetor, 07:45 -
Hasani: Shqipëria, e përkushtuar për të vijuar kontributin e saj në luftën kundër ISIS-it
1 Tetor, 09:41 -
Hasani në Washington, merr pjesë në Takimin e Ministrave të Jashtëm të Koalicionit Global Kundër ISIS
30 Shtator, 10:20 -
Si i rekruton Shteti Islamik të rinjtë në Evropë dhe pse quhen 'ujqërit e vetmuar'
23 Shtator, 09:21 -
Strategjia e re e ISIS: Një Xhihad të ri në Evropë, thika dhe ujqër të vetmuar
6 Shtator, 08:06 -
Ushtria amerikane vret 15 anëtarë të IS-it në Irak
31 Gusht, 15:43 -
Turqia arreston mbi 100 anëtarë të dyshuar të ISIS-it
30 Gusht, 11:05
Mbyllni kufirin, nuk duam të tillë rob!
Përgjigju