POP 5

Lajmet më të lexuara të 5 minutave të fundit

Kronikë

12 të arrestuar në 24 orë nga policia e Tiranës, pesë prej tyre të shpallur në kërkim

Më së shumti janë arrestuar persona të cilët kishin urdhër nga gjykata, por që në kundërshtim me të nuk i kishin zbatuar.

12 të arrestuar në 24 orë nga policia e Tiranës, pesë prej tyre të shpallur në kërkim

Policia e Tiranës në 24 orët e fundit ka vënë në pranga 12 persona pesë prej të cilëve të shpallur në kërkim.

Më konkretisht nga komisariati numër 2 është ndaluar . B., 28 vjeç, i shpallur në kërkim për veprën penale "Prodhim dhe shitje e lëndëve narkotikëve". Për 28-vjeçarin gjykata e Tiranës ka caktuar masën e sigurisë “Arrest në burg”, për veprën penale "Prodhimi dhe shitja e lëndëve narkotike''.

Nga komisariati numër dy janë ndaluar dy persona B. S. dhe B. A., pasi gjykata e Tiranës iu ka caktuar masën e sigurisë “Arrest në burg”, për veprën penale “Mashtrimi”, kryer në bashkëpunim.

Sakaq nga seksioni për Hetimin e Krimit Ekonomik e Financiar u bë kapja dhe ndalimi i shtetasit M. K., 47 vjeç, pasi gjykata e Tiranës, i ka caktuar masën e sigurisë “Arrest në burg”, për veprat penale “Krijimi i skemave mashtruese lidhur me tatimin mbi vlerën e shtuar” e kryer në bashkëpunim dhe “Fshehja e të ardhurave”.

Ndërkohë është ndaluar D.R 25 vjeç, i shpallur në kërkim për veprat penale “Dëmtime të tjera me dashje”, “Kanosja” dhe “Përndjekja”. Gjithashtu një 47 vjeçare me inicialet E.B është arrestuar pasi ka shkelur vendimin e Gjykatës së Rrethit Gjyqësor Tiranë, për masën e sigurisë “Arrest në shtëpi” dhe u konstatua jashtë banese.

Nga komisariati numër 3 u bë arrestimi i E. Ç, 25 vjeç, pasi në rrugën "Mine Peza", është konstatuar duke prishur rendin dhe qetësinë publike dhe gjatë shoqërimit ka kundërshtuar punonjësit e Policisë. Gjithashtu, nga verifikimi i kryer rezultoi se ky shtetas ka thyer vendimin e Gjykatës, e cila i ka caktuar masën e sigurisë “Arrest në shtëpi”.

Po nga komisariati numër 3 u bë arrestimi në flagrancë i shtetasit R. B., 31 vjeç, pasi në rrugën ’’Jusuf Gërvalla’’, ka kërcënuar dhe ka ushtruar dhunë fizike dhe psikologjike ndaj ish-bashkëjetueses së tij, të cilën kishte muaj që e përndiqte.

Nga policia e Kavajës u bë arrestimi në flagrancë i shtetasit A. Ç., 51 vjeç, sepse në fshatin Gosë, në banesë, ka ushtruar dhunë fizike e psikologjike ndaj bashkëshortes, të cilës iu plotësua kërkesë-padia për lëshimin e menjëhershëm të urdhrit të mbrojtjes.

Gjithashtu nga policia Kavajë u bë arrestimi në flagrancë i shtetasit H. Xh., 33 vjeç, pasi ka shkelur masën e sigurisë “Arrest në shtëpi” dhe është konstatuar jashtë banese.

Ndërkohë për shkak të shkeljeve rrugore është bërë arrestimi i dy personave: A. M. dhe P. K., pasi u kapën në flagrancë duke drejtuar mjetet në gjendje të dehur.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46