POP 5

Lajmet më të lexuara të 5 minutave të fundit

Kronikë

13 vetë në gjykatë, karburantin
për anije e shisnin për makina 

DURRES/ Prokuroria e Rrethit Gjygjësor Durrës ka çuar për gjykim 13 persona që shpërndanin ilegalisht karburantin qe blinin ne Mal te Zi qe ishte për anijet e peshkimit dhe e shisnin në pikat e karburanteve të Durrësit. 
13 vetë në gjykatë, karburantin<br />për anije e shisnin për makina 
DURRES- Prokuroria e Rrethit Gjygjësor Durrës ka çuar për gjykim 13 persona që shpërndanin ilegalisht karburantin qe blinin ne Mal te Zi qe ishte për anijet e peshkimit dhe e shisnin në pikat e karburanteve të Durrësit. Personat në fjalë, në bashkëpunim me njëri tjetrin, akuzohen për kontrabandë.

Ardian Cani, Zuhra Vokshi, Ahmet Masha, Kujtim Brahimaj, Fundim Masha, Eugen Hysa, Irgen Balla, Emiljano Koçi, Arbër Çerkin, Altin Imeraj dhe Emirjan Hako akuzohen nga Prokuroria e Rrethit Durrës për veprën penale "Kontrabandë me mallra që paguhet akcizë”. Ndërsa Sokol Troplini dhe Isuf Beshi janë çuar për gjykim për veprën penale “Tregtim i mallrave që dihet se janë kontrabandë”.

Të 13 personat e sipërpërmendur, sipas Prokurorisë, në bashkëpunim me njëri-tjetrin blinin karburant për anije peshkimi në Mal të Zi, që më pas e tregtonin në vendin tonë nëpër pika karburantesh, me pakicë, për automjete private. Ky lloj aktiviteti përveçëse hyn në kategoritë e krimit ekonomik gjithashtu ka pasoja negative dhe në automjetet e konsumatorëve, pasi si karburant, ai për peshkim, është i një cilësie tepër të ulët.

Gjatë vitit 2013 Gjykata e Rrethit Gjygjësor Durrës vendosi, për 9 nga këta shtetas, masën “arrest me burg”, ndërsa për katër të tjerët vetëm “detyrim për paraqitje”. Pak muaj më vonë, në Shkurt 2014, Gjykata e Apelit Durrës vendosi që hetimi ndaj të gjithë personave të vijonte në gjendje të lirë, duke vendosur masën e sigurisë “detyrim për paraqitje”.

Redaksia Online
(e.n/Shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19