13 vjecari në prag të vdekjes
Spitali nuk ka rezerva gjaku

Sistemi ynë shëndetësor gjithmonë ka lënë për të dëshiruar dhe për këtë është kritikuar vazhdimisht, për paaftësinë për ti dhënë qytetarit edhe ato pak shërbime bazike që nevojiten të ofrojë cdo spital, edhe ato në botën e tretë. Mangësitë e spitaleve tona, sot kanë vënë në rrezikë jetën e një 13 vjecari, të cilit i nevojitet një transfuzion urgjent gjaku.

Për fat të keq për fëmijën, i cili ka grupin e gjakut më të rrallë në popullatë, 0 negativ, Spitali Ushtarak nuk disponon skorta për këtë grup.

Edison Camaj 13-vjec, është aksidentuar mesditën e 1 janarit në shtëpinë e tij si shkak i shembjes së strukturës së një depozite uji.

Familja e djalit, e dëshpëruar i ka kërkuar ndihmë, nëpërmjet ekranit të televizionit Neës 24, kujtdo që ka këtë grup gjaku dhe është i gatshëm të shpëtojë jetën e një të mituri.

“Gjendja e nipit tim është shumë e vështirë. Edisonit i ka rënë një cisterne me ujë dhe i ka dëmtuar pjesët e brendshme të trupit dhe i ka thy legenin. Është bërë operacion në zorrë dhe ka shkurtim prej 60 cm, si dhe rrjedhje gjaku në pjesën e legenit dhe aty nuk mund të ndëryhyjnë doktorët, prandaj duhet gjak.

Edisoni është 13-vjec dhe mjekët na kanë thënë, se nëse nuk gjendet sasia e kërkuar e gjakut atëherë ai rrezikon të vdesë po nuk ju dha gjak. Ne nuk kemi gjetur gjak, jemi mbledhur njerëzit tonë dhe të afërm dhe asnjëri prej nesh nuk e ka grupin e gjakut zero negativ.

Edisoni ka marrë 3 litra gjak dhe i duhet edhe 4 litra gjak. Mjekët kanë thënë se nëse gjenden dy qese gjak, brenda dy orësh ai mund të operohet. Shpresoj tek Zoti dhe njerëzit që mund të na dëgjojnë që ai që ka këtë grup gjaku të paraqitet pranë Spitalit Ushtarak për të dhuruar gjakun dhe për të shpëtuar këtë fëmijë që është djalë i vetëm”, - bën apel xhaxhai i vogëlushit 13-vjecar.