TIRANË-Kurba e infektimeve në vendin tonë, vijon të jetë në një vijë lineare, duke mos pasur luhatje të theksuara në numrin e infektimeve ditore gjatë këtyre javëve të fundit. Sot si rezultat i 2389 testimeve, janë konfirmuar pozitiv me COVID 130 persona, teksa fatkeqësisht kanë humbur jetën 4 persona, duke çuar në total numrin e viktimave në vendin tonë që nga fillimi i pandemisë në 2,383.

Viktimat janë regjistruar në Tiranë, Elbasan, Shkodër dhe Përmet të moshave 53- 82 vjeç. Situata paraqitet e qëndrueshme edhe në spitale, ku aktualisht po trajtohen 142 pacientë, 12 në terapi intensive, nga të cilët 2 pacientë janë të intubuar e ndërsa janë shëruar 698 qytetarë.

Nga ana tjetër, vendi unë ka arritur në shifrën e 416,855 vaksinime në të gjithë vendin ku vetëm sot janë kryer 8236.

Statistika (27 Prill 2021) 
Raste të reja ditore        130
Të shëruar në 24 orë      698
Të shtruar në spitale      147
Humbje jete në 24 orë   4
Testime ditore                2839 

Testime totale             630,822
Raste pozitive             130,736
Raste të shëruara       107,163
Raste Aktive                 21,190
Humbje jete                  2,383 

Shpërndarja gjeografike e rasteve aktive sipas qarqeve:
Tiranë   16661
Fier      1686
Durrës  575
Shkodër      559
Korçë    483
Gjirokastër   365
Vlorë    272
Elbasan   126
Kukës     186
Dibër    123
Berat       101
Lezhë     53

Rendit zhvillimet sipas orarit:
Ora 21:42
Sot, 8236 vaksinime anti-COVID, 416,855 në të gjithë vendin

Ditën e sotme janë kryer 8236 vaksinime anti COVID. Ministria e Shëndetësisë njofton se nga fillimi i fushatës 'Shqipëria Buzëqesh' janë kryer 416,855 vaksinime në të gjithë vendin.

Foto e publikuar nga ministrja Ogerta Manastirliu në rrjetet sociale
 

M.Q./Shqiptarja.com