TIRANE- Në 24 orët e fundit në Shqipëri janë regjistruar 15 raste më COVID, ndërsa 9 janë shëruar duke arritur që të fitojnë luftën me koronavirusin. Eugena Tomini nga ISHP-ja theksoi se nga totali i rasteve të reja 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin. Në Krujë që është vatër e nxehtë nga fasoneritë fatmirësisht nuk ka pasur asnjë rast të ri në 24 orët e fundit. Gjatë 24 orëve të fundit janë testuar 259 persona të dyshuar me COVID-19. Nga totali i rasteve të dyshuara janë testuar 36 personel shëndetësor, të cilët kanë rezultuar negativë për Sars-Cov2.
"Deri në këto momente janë testuar 6768 raste të dyshuara dhe prej tyre janë të konfirmuar pozitivë me COVID-19, 678 raste, pra rreth 10% e totalit të rasteve të testuara. Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1% e totalit të të prekurve. Aktualisht në vendin tonë 257 ose 41.9% e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme. Ju informojmë se, në shërbimin infektiv aktualisht janë 30 të shtruar nga të cilët 4 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 pacientë janë në pavion" tha ajo.
Në dy spitalet COVID aktualisht po marrin shërbim 38 pacientë. Shpërndarja gjeografike e rasteve pozitive, është si vijon:
- Tiranë 285 raste
- Durrës 42 raste
- Lushnje 6 raste
- Elbasan 18 raste
- Fier 36 raste
- Kavajë 9 raste
- Rrogozhinë 4 raste
- Korçë 19 raste
- Vlorë 5 raste
- Shkodër 103 raste
- Lezhë 14 raste
- Berat 2 raste
- Has 14 raste
- Krujë 65 raste
-Tropojë 4 raste
- Pukë 5 raste
- Mirditë 5 raste
- Kukës 12 rast
-Mallakastër 1 raste
- Kurbin 29 raste
Eugena Tomini u shpreh se pavarësisht luhatjeve të të dhënave ditorë të zbulimit të bartësve të virusit apo të sëmurëve prej tij, situata është e kontrolluar. "Treguesi i vërtetë është numri i të shtruarve në spitale, që vazhdon të mbetet në shifra të qëndrueshme. Në kushtet e lehtësimit të disa masave, në mënyrë që situata të vazhdojë të jetë e kontrolluar, është shumë e rëndësishme të zbatohen me përpikmëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale. Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsye. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40" përfundoi ajo.
Edhe në Shkodër u regjistrua një rast i vetëm i prekur në 24 orët e fundit. Gazetari i Report Tv në Shkodër Ergys Kavaja raporton se personi i prekur është një paciente, që ishte shtruar dje në spital. Pacientja është nga Bushati, ndërsa nuk dihet ku është infektuar. Stafit mjekësor dhe familjes u janë marrë tamponet nëse janë infektuar.
Nga 15 rastet e regjistruara sot me koronavirusi një është në Kurbin. Report Tv mëson se rasti në Kurbin bën fjalë për një pacient me pneumoni të shtruar prej disa ditësh në Sanatorium. Pas testimit që i është bërë qytetari nga Kurbini ka rezultuar pozitiv dhe me covid-19.
Një efektiv policie ka rezultuar pozitiv me COVID-19 në qytetin e Kukësit gjatë 24 orëve të fundit. Burime për Report Tv bëjnë me dije se po u janë marrë tamponët testet familjarëve dhe efektivëve të policisë së Kukësit, si persona kontakti.
Deri më tani janë konfirmuar në qytetin e Kukësit 11 raste, e ndërsa pritet që bilanci të rritet, duke përfshirë edhe rastin e fundit. Infektimi i efektivit të policisë ka bërë që institucioni të dezinfektojë ambientet e drejtorisë së policisë vendore të Kukësit, ndërsa po merren tamponet për uniformat blu që kanë pasur kontakt me të prekurin.
Lajme të tjera
-
Ethet e Nilit/ 79 të infektuar, 11 humbje jete! ISHP: Mosha mbi 60 vjeç më e prekur
12 Shtator, 20:09 -
Rikthehen pas 13 vitesh “Ethet e Nilit” në Shqipëri! 3 të vdekur dhe 17 të infektuar, Tomini për Report Tv: Lushnja, Fieri e Kurbini më të prekurat
5 Gusht, 13:11
-
Dezinsektimi/ Drejtoresha e ISHP për Report Tv: Zgjat deri në shtator, përsëritet çdo 2-3 javë! Divjaka epiqendra e mushkonjave, s’mund t’i ‘zerojmë’
13 Maj, 13:41 -
‘Lufta’ ndaj insekteve, nis dezinsektimi në të gjithë vendin! Ankohet kryebashkiaku i Divjakës: Duhej nga ajri! ISHP: I konsultuar
8 Maj, 20:02
-
11 raste me fruth në Shqipëri, drejtoresha e ISHP Tomini për Report Tv: Të infektuarit janë 1-13 vjeç! Shpërndarja në tre qytete, si paraqitet situata
24 Janar, 16:21
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Situata me virozat, Drejtoresha e ISHP-së: Grip stinor, paraqiten rreth 14 mijë raste në javë! Piku do jetë në javën e 3 dhe të 4 të janarit
16 Janar 2023, 12:28 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58
