15 vjeçari 36 ditë në koma, apeli
i gjyshit: Na ndihmoni që të jetojë

Orion Berbati prej 36 ditësh ndodhet në koma në Spitalin e Traumës.  Ai shkoi për të parë nga afër punën e babait të tij në Tropojë, por për fat të keq ra në kontakt me energjinë, duke u rrëzuar nga kati i dytë, çka i ka sjellë dëmtime të shumta në kokë dhe në trup.


(15-vjeçari Orion Berbati)

Babai i 15-vjeçarit, Zarjan Berbati tregon momentin kur Orioni pësoi aksidentin.

"Gjatë punës një kontakt elektrik që na ndodhi aty, ishte një hark elektrik siç duket u përplas te çuni.S’kam qene fiks prezent por isha shumë dhe pastaj ndodhi edhe hedhja nga kati i 2", shprehet Babai. 


(Babai i 15-vjeçarit, Zarjan Berbati)

Pavarësisht se ka 36 ditë në koma, mjekët i japin shpresë. Për të jetuar, Orioni duhet të shkojë në një klinikë jashtë shtetit, për të bërë rehabilitimin në tru, për shkak se në Shqipëri nuk ofrohet një shërbim i tillë. Por transferimi në një klinikë të huaj kushton shumë dhe familja Berbati thotë se nuk i ka mundësitë ekonomike.

Ata i bëjnë apel shtetit dhe kujtdo që ka mundësi ti ndihmojë, në mënyrë që 15 vjeçari të jetojë. Gjyshi i Orionit Ali Berbati me lot në sy bën apel për ndihmë.

"Do ti lutem kryeministrit shqiptar, do ti lutem ministrit të shëndetësisë, do ti lutem qeverisë shqiptare, do ti lutem shtetit shqiptar, do ti lutem të gjithë organizatave të ndryshme që të më ndihmojnë për ta kthyer në jetë Orian Berbatin dhe për ta bërë të domosdoshëm për familjen. Mundësitë tona për kohën e gjatë që do të jetë jo më pak se 6 muaj e ndoshta më shumë, mundësitë tona financiare janë të pamundura", shprehet Gjyshi i i Orionit.


(Gjyshi i i Orionit, Ali Berbati)

Me shpresën se mesazhi i tyre do dëgjohet, familja Berbati lutet çdo ditë që 15-vjeçari të shkojë në një spital jashtë shtetit, pasi kjo është mundësia e vetme që ai ka për të jetuar. Në spitalin e Traumës, mjekët e mbajtën në jetë dhe tani Orioni mund të rehabilitohet vetëm jashtë Shqipërisë.



 (Numrat e llogarisë të familjes Berbati)




Redaksia Online
(M.Ç/shqiptarja.com)