15-vjeçari u vra në Gramsh duke ndarë shokët nga sherri, shkolla: Jemi të tronditur, u gjend aty rastësisht, s’kishte lidhje me konfliktin

Shkolla 9-vjecare ‘Asllan Shahini’ ka shprehur ngushëllimet familjarëve për humbjen e jetës së 15-vjeçarit Fatjon Bici, një ditë më parë në Gramsh.

Në reagim thuhet se janë të tronditur për ndarjen nga jeta të nxënësit të tyre, ndërsa shpjegojnë edhe dinamikën e ngjarjes. Shkolla 9-vjeçare thotë se Fatjoni u ndodh rastësisht aty dhe se u përpoq që të ndante bashkëmoshatarët që po konfliktoheshin. Ai nuk ishte pjesë e sherrit që kishte nisur para disa kohësh në rrjete sociale, por ishte kushëriri i tij.

Prekëse është detaje që ndan shkolla ku 15-vjeçari mësonte. Para se të largohej nga shkolla ai ishte interesuar për motrën e tij të vogël në klasën e 6 nëse ishte larguar për në shtëpi apo jo.

“Jemi thellësisht të tronditur, nga ngjarja e rendë që ndodhi sot në qytetin tonë, në të cilën humbi jetën Fationi, nxënës në klasën e IX. Fationi mbaroi mësimin, si çdo ditë tjetër, u interesua duke pyetur rojën e shkollës, se a ishte larguar nga shkolla motra e tij më e vogël, nxënëse në klasën e IV, e pasi u sigurua se ajo ishte larguar, u nis për në shtëpi.

Në mes të lagjes, në mes të ditës, moshatarë të tij, nxënës edhe këta nga shkolla e fshatit Drize, konfliktuohen për biseda banale në rrjetet sociale dhe konflikti kthehet në tragjedi... Fationi u ndodh rastësisht aty, duke mos qenë ai pjesë e konfliktit në rrjetet sociale, por një i afërmi i tij. Ai u përpoq t'i ndante në grindje e sipër, por përfundoi viktima e këtij sherri banal. Fationi u nis sot drejt Parajsës... Do na mungosh të gjithëve, Fation i dashur! Të qoftë dheu i lehte, o engjëll”, shkruhet në reagim.

Lajmi kryesor:

Vrasja e 15-vjeçarit në Gramsh, qytetarët i japin lamtumirën Fatjon Bicit! Drejtoresha e shkollës: Mbeti i vrarë se hyri të ndajë sherrin! Autori s`njihej si problematik

M.Q./Shqiptarja.com

TAG:
• fatjon bici
• gramsh
• Elbasan