2 prill,zgjedhjet presidenciale në
Serbi dhe kandidatët kryesorë

2 prill,zgjedhjet presidenciale në<br />Serbi dhe kandidatët kryesorë
Në zgjedhjet presidenciale që do të zhvillohen të dielën në Serbi, janë 11 kandidatë në listë, ku Aleksandar Vuçiç është favoriti kryesor. Ndërsa më poshtë janë personazhet më të lakuar.

ALEKSANDAR VUÇIÇ, 47 vjeç

Para se të bënte në vitin 2008 një kthesë liberale dhe proevropiane që i hapi rrugën e pushtetit, kryeministri serb kishte qenë një 'fajkua ultranacionalist', ministër i Informacionit i Slobodan Milosheviç gjatë luftës së Kosovës.

Kryetar i pakontestueshëm i Partisë Serbe për Progres (SNS, qendra e djathtë) dhe të vendit të tij, ai shprehet se “nuk e fsheh që kam ndryshuar… jam krenar për këtë”.

Kundërshtarët e tij e kritikojnë për autoritarizëm, kundërshtimin e çdo kontradikte dhe për theksin e tij populist. Nga ana tjetër ai i vë në pah paaftësinë e kundërshtarëve të tij për të kontestuar lidershipin e tij për shkak të mungesës së mbështetjes popullore.

VOJISLAV SHESHEL, 62 vjeç

Ai nuk ka ndryshuar. Ultranacionalisti i shfajësuar në vitin 2016 nga Gjykata Penale Ndërkombëtare mbi Jugosllavinë për akuzat për krime lufte, vazhdon të mbetet një praktikues i provokimit që e kishte vënë në shërbim të nacionalistëve serb gjatë konfliktit të viteve 1990 më ish-Jugosllavi. Ai u lirua në vitin 2014 pas 12 vitesh burgim.

Pasi mori pafajësinë ai është rikthyer në skenën politike, duke mbështetur një aleancë me Rusinë dhe braktisjen e çdo aderimi në BE, duke djegur flamujt e Evropës, SHBA-së dhe Kroacisë. Adhurues i Donald Trump, ai ka thënë se do të ngrejë një mur për të penguar çdo fluks migrantësh.

SASHA JANKOVIQ, 46 vjeç

Kandidat i pavarur i mbështetur nga Partia Demokrate (qendra e majtë), ai ka filluar karrierën e tij si gazetar, para se të bëhej funksionar.

I emëruar ndërmjetës i Republikës në vitin 2007, ai arriti të krijojë famë dhe popullaritet në klasën e mesme urbane dhe liberale, duke kritikuar veprimet e autoritetit. Ai shprehet se kërkon t’i kthejë qëllimin institucionit të presidentit.

VUK JEREMIÇ, 41 vjeç

Kandidat fatkeq në garën për sekretar të përgjithshëm të OKB-së, shumë afër presidentit liberal proevropian, Boris Tadiç (2004-2012), ky fizikant si formim dhe intelektual tejet i kualifikuar, vlerëson se “vendi i tij duhet të bëjë më shumë. Shumë njerëz jetojnë keq dhe janë jashtëzakonisht të zhgënjyer”.

Mbështetës i integrimit në BE, ka mishëruar gjithashtu, kur ishte ministër i Punëve të Jashtme i Tadic (2007-2012), papajtueshmërinë serbe mbi Kosovën.

LUKA MAKSIMOVIÇ, 25 vjeç

Student në Komunikim, mishëron një personazh fiktiv, Lubisha Preletaçeviq, alias “Beli” (i bardhë), që ka arritur të marrë mbështetjen e 13 000 votuesve, duke i mundësuar të paraqesë kandidaturën në presidenciale.

Një manipulues shumë i zoti i humorit, sipas sondazheve ka arritur të jetë rivali kryesor i Aleksandar Vuçiç.

Një fenomen ky që, për shumë, tregon nivelin e krimit në klasën politike serbe, që nuk kërkon asnjëherë të rinovohet dhe jeton nën dyshimin e korrupsionit./KosovaPress

Redaksia Online
e.m/Shqiptarja.com

  • Sondazhi i ditës:

    Si do e drejtojë Kuvendin Elisa Spiropali krahasuar me Lindita Nikollën?



×

Lajmi i fundit

Presidenti Steinmeier i kërkon falje Polonisë për krimet gjermane

Presidenti Steinmeier i kërkon falje Polonisë për krimet gjermane