POP 5

Lajmet më të lexuara të 5 minutave të fundit

Politikë

2 vjet nga dhuna në selinë e PD, Flutura Açka: Turpi ynë i ngrënë me bukë, SPAK të hetojë! Mbështetësit e Berishës të kërkojnë ndjesë

Si sot dy vjet më parë, grupimi i foltores mësyu në selinë e Partisë Demokratike për të marrë në dorëzim dhunshëm godinën.

2 vjet nga dhuna në selinë e PD, Flutura Açka: Turpi ynë i ngrënë me bukë, SPAK të hetojë! Mbështetësit e Berishës të kërkojnë ndjesë

Foto nga dhuna në selinë e PD

Si sot dy vjet më parë, grupimi i foltores mësyu në selinë e Partisë Demokratike për të marrë në dorëzim dhunshëm godinën.

Të drejtuar nga Sali Berisha tani në arrest shtëpie, mbështetësit e tij hynë me dhunë në seli duke shkatërruar gjithçka, pavarësisht se grupimi i Lulzim Bashës kishte marrë masa duke blinduar dyer e dritare.

Lidhur me këtë përvjetor, deputetja demokrate Flutura Açka shkruan se 8 janari është ditë turpi dhe duhen bërë hetime nga SPAK.

E pozicionuar krah Bashës dhe kundër Berishës Açka thotë mbështetësit e Berishës minimalisht duhet të kërkojnë ndjesë, ndërsa SPAK duhet të bëjë punën e tij për të vënë para përgjegjësisë autorët.

“Në fakt 8 janari ynë është bërë për SPAK, sepse: Nuk ka asnjë ndjesë në dy vjet. Por kam tri pyetje:

- Ku është fatura e 1700 hunjve ndaj demokratëve?

- Ku është fatura e pagesës së keqbërësve me pagesë, të njëjtët që morën pjesë më 21 janar në anën e PS dhe sa herë në anët ku kërkohen si mercenarë, specialistët e levave dhe kokadashëve?

- Ku është fatura për median që i kushtoi disa emisione shpërthimit të dyerve të blinduara (ftesë për dhunë të hapur), duke ftuar specialistë të fushës së shpërthimeve e levave kokës?

8 janari është TURPI ynë i ngrënë me bukë! Dhe prapë, specialistët e tymit, flakës, dhunës flasin për demokraci. Nuk ishte vetëm 8 janari, por edhe ajo çfarë e pasoi 8 janarin, nga e cila zor se do të shërohemi lehtë. Duhet humanizëm, dhe politika shqiptare nuk e njeh këtë fjalë, të paktën aq sa kam mundur ta njoh unë.

Kjo është arsyeja pse kam zgjedhur anën e më humanes së mundshme në lebetinë tonë, me të cilën duket se jemi mësuar tashmë. Të paktën, kërkoni ndjesë! Kush ka për të kërkuar”, shkruan Açka.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29