Gentian Dabati, 40 vjeç, Indrit Idrizi, 41 vjeç dhe Matteo Rodigari, 34 vjeç janë marrë në pyetje ditën e djeshme pasi janë arrestuar nga policia italiane për trafik kokaine. Në deklarimet e tyre, dy shqiptarët dhe italiani refuzuan se ishin pjesë e bandës së drogës që përbëhej nga anëtarë shqiptarë të klanit mafioz të Shkodrës dhe i kishte rrënjët në Livigno.
Sakaq, në mesin e 12 të dyshuarve (6 prej të cilëve ndodhen në burg) është një sipërmarrës njëzet vjeçar nga Torino, pa precedentë penalë.
Babai i tij është me origjinë nga Maroku, ndërsa nëna e tij ka lindur në Shqipëri, në Shkodër, qyteti ku lindi klani mafioz, i cili falë disa njohjeve në vendin e lindjes së nënës, kishte ndërtuar një rrjet të mirë-organizuar të kokainës, raportojnë mediet italiane.
I riu, pronar i 2 kompanive të ndërtimit në Brandizzo, po hetohet pasi u kishte shitur një kg drogë 2 shqiptarëve të arrestuar në flagrancë më 3 dhjetor.
Njëzet vjeçari, i cili sipas hetuesve kishte rënë në kontakt me organizatën falë lidhjeve të nënës së tij, u kishte shitur një kilogram kokainë 2 bashkatdhetarëve që ishin larguar nga Torino dhe droga ishte destinuar për klientët e pistës së njohur të skive të Livigno.