21 janari, ne 16: 30 Ina Rama
para medias me Arvizun

Prokuroria e Përgjithshme njofton se sot në orën 16.30 në ambientet e prokurorisë së përgjithshme Kryeprokurorja Ina Rama, në prezencë edhe të ambasadorit amerikan Aleksandër Arvizu dhe shefes së zyrës së përfaqësisë së OPDAT, Znj. Cynthia Eldridge do të ketë një konferencë për shtyp.

Konferenca u njoftua vetëm pak orë pasi gjykata e Tiranës ka marrë vendimin për të prerë tre urdhërarreste për ngjarjet e 21 janarit të vitit të kaluar, ku mbetën të vrarë katër protestues, dhe u plagosën 27 të tjerë. Zonja Rama pritet ti përgjigjet interesimit të gazetarëve për stadin e hetimeve të 21 janarit, ndërkohë që në krah të saj gjendet edhe ambasadori amerikan, Arvizu, për të dhënë mbështetjen për hetimet e prokurorisë, por edhe punës dhe asistencës që është dhënë nga FBI.
(sg/shqiptarja.com)