Britania e Madhe ka deportuar në mënyrë sekrete 22 shqiptarë, mes tyre persona me rekorde kriminale dhe emigrant të paligjshëm. Kështu shkruan media britanike, Daily Mail, ku theksohet se ky fluturim ishte mbajtur shumë sekret.
22 shqiptarët kanë mbërritur në Tiranë në orët e para të mëngjesit të së mërkurës. Ky është një veprim që vjen menjëherë pas deklaratave të sekretares së Brendshme Britanike, Suella Braverman e cila e ka cilësuar numrin e lartë të emigrantëve shqiptarë si një “pushtim”.
Mësohet se shumica e shqiptarëve të dëbuar u dërguan me furgona të blinduar drejt aeroportit nga ku u nisën drejt Shqipërisë. Bëhet me dije se mes të deportuarve përveç personave me rekorde kriminale, kishte edhe emigrantë të pagligjshëm të cilët nuk kishin kërkuar azil por ishin kapur në ilegalitet.
Për t’u dëbuar drejt Shqipërisë, janë caktuar edhe shumë shqiptarë të tjerë të cilët ndodhen aktualisht në kampe teksa janë kapur pasi kanë mbërritur me gomone në brigjet britanike.
Të paktën njërit prej atyre që do të largohej, iu dha një mundësi qëndrimi në minutën e fundit pasi një avokat me bazë në Londër e fitoi me sukses çështjen duke thënë se duhej "më shumë konsideratë" nga Zyra e Brendshme. Të 22 personat e tjerë u dërguan më pas në një stacion policie në Shqipëri, por ende nuk ka një raportim zyrtar nga institucionet shqiptare.
Debatet mbi emigrantët e paligjshëm shqiptarë që mbërrijnë me gomone në Britaninë e Madhe kanë qenë në qendër të vëmendjes kohëve të fundit. Ndaj deklaratave të bëra nga sekretarja e Brendshme, Suella Braverman, ka reaguar kryeministri, Edi Rama i cili tha se pjesa më e madhe e shqiptarëve që ndodheshin në Britaninë e Madhe punonin rregullisht dhe paguanin taksat përkundër nga çfarë pasqyrohej në mediat britanike. Gjatë një interviste për Sky News, Rama tha se qeveria britanike duhej të kërkonte ndjesë për deklaratat e Braverman.
Ndërkohë, ditë më parë, u raportua për një marrëveshje historike mes Britanisë së Madhe dhe Francës sa i përket frenimit të emigracionit të paligjshëm.
Lajme të tjera
-
Festa e Sensas, Tirana binjakëzohet nesër me Venecian! Veliaj ne Itali: Mezi pres që ky bashkëpunim i ri mes nesh të jetë i frytshëm
11 Maj, 18:41 -
Transaksioni nga Dubai që alarmoi shtetin, zbardhet dosja! Paratë edhe në llogarinë e familjes Nano
11 Maj, 15:19 -
Tiranë/ Transportonte ilegalisht persona nga vendet e treta, arestohet 30-vjeçari! Sekuestrohen 7280 euro, 10 pasaporta dhe karta krediti
11 Maj, 14:03 -
Gaz Muça, gangsteri i parë i Tiranës! Historia e plotë, nesër në Crime Story ora 22:00
11 Maj, 13:05
-
Vdekja e dy ukrainaseve në Tiranë, zbardhet dëshmia e shoqes së tyre: Konsumonin sasi të lartë Tramadoli
11 Maj, 12:10
-
Kishin kthyer qendrën e masazheve në ‘çerdhe’ prostitucioni te Unaza e Re, arrestohet menaxherja! Në kërkim administratori
11 Maj, 11:55 -
Tiranë/ Posedonte lëndë narkotike dhe armë zjarri pa leje, arrestohet një 18-vjeçar
11 Maj, 10:56 -
Edicioni i katërt i 'Balkan Jazz Showcase' në Universitetin e Arteve nga datat 10-12 Maj
10 Maj, 18:50 -
Dy ukrainase gjenden të vdekura në Tiranë, shkak mbidoza e ilaçeve me përbërje narkotike! Dyshohet se ishin punonjëse seksi, shoqërohet shoqja (EMRAT)
10 Maj, 14:41 -
Veliaj me administratorët e pallateve: Thirrje banorëve të aplikojnë për fondin e komunitetit; Rrit ndjeshëm vlerën e pronës
10 Maj, 14:34 -
Katër rivalë në garë për trofeun, ja kur hidhet shorti i 'Final 4' për kampionin e Superligës
10 Maj, 14:34 -
Shitje fiktive për 2 milionë euro, në hetim ish punonjësi i QKB e 6 të tjerë! Krijuan skemën e mashtrimit: 15 të huaj u bënë me biznes pa hyrë kurrë në Shqipëri (Emrat)
10 Maj, 11:58
