Për të 24-tën ditë radhazi, banorët e Divjakës vijuan protestën kundër reformës administrative të propozuar nga PS.

Protestuesit, edhe pse dukshëm më të paktë në numër, kërkojnë që bashkia e tyre të mos shkrihet me Lushnjen.

“Duam Divjakë më të zhvilluar, më të pasur dhe me më shumë mundësi për të rinjtë. Divjaka është shtëpia jonë dhe duam të vazhdojë të ketë zërin e saj!”

“Të bashkohemi dhe ta bëjmë këtë qëndresë më dinjitoze edhe me numra”, thanë ata.

Marshimi në rrugët e qytetit mbylli protestën me thirrjet ‘Divjaka bashki’ dhe ‘Mazniku propozon, Divjaka kundërshton.’