POP 5

Lajmet më të lexuara të 5 minutave të fundit

Sociale

3 dimra në çadër në pritje të rindërtimit, familja nga Fushë-Kruja: Veç vdekja është më e rëndë

Banorët e Fushë-Krujës vazhdojnë të vuajnë pasojat e tërmetit. E tillë është familja Cakroni me 11 anëtarë, që po i gjen dimri i tretë pa shtëpi. më e vështirë bëhet situata për të vegjlit që nuk kanë mjet transporti për në shkollë. 

Në këtë shtëpi që rrezikon t'i zërë brenda jeton prej afro tre vitesh familja e Islam Cakronit në fshatin Budull të Fushë-Krujës. Ndërtesa pësoi dëmtime të mëdha nga tërmeti i 26 nëntorit 2019 dhe u klasifikua e pabanueshme, ndërsa familja trajtohet me bonus qiraje nga bashkia e Krujës. Në oborr kanë ngritur një çadër, që shërben si kuzhinë, ndërsa natën e kalojnë në shtëpinë e rrënuar....

"Tërmeti më ka prishur shtëpinë, jemi 11 vete, 54 mijë lek të vjetra marr. Jemi 11 rob...nëqoftë se ka kush mundësi të më ndihmojë se shtëpinë e ka prish tërmeti se ka prish njeri. Energjinë se kam paguar do vijnë e presin edhe atë", thotë Islam Cakroni.

Jeta e ka përballur me shumë sfida burrin e moshuar, invalid, me 11 anëtarë në familje, djem vajza e nipër, ku pjesa më e madhe janë të papunë. Ai thotë se ushqehen me pensionin e invaliditetit dhe paratë e bonusit të qirasë.

Por shqetësimi më i madh për Islam dhe Rufie Cakonin janë 5 nipërit e vegjël. Ata shprehen se janë të detyruar ti dërgojnë të zhveshur në shkollën e Fushë-Krujës, ndërsa problem për ta mbetet transporti.

"4 fëmijë kemi në shkollë, i çojmë vetë se s'kemi fugon e kemi shkollën larg. Duan gjëra (fëmijët) me i ushqy e veshur ca të them unë ty tani... I çojmë zhveshur fëmijët në shkollë. Më kiamet s'ka veç vdekja se ska më tmerr", thotë Rufie Cakonin.

Sa i përket banesës, Report Tv u interesua pranë Bashkisë së Krujës. Burime nga ky institucion thanë është miratuar fondi prej 3.4 milionë lekësh dhe brenda nëntorit do t'i jepen familjes Cakroni për të rindërtuar shtëpinë e re.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03