Policia e Korçës duket se ka gjetur gjurmë gishtash në njërin prej tre bizneseve të grabitura mëngjesin e djeshëm në qytetin e Korçës. Në kuadër të hetimeve dhe akumulimit te provave, Policia e Korçës ka rënë në shenja dalluese për të bërë te mundur identifikimin e autorëve.

Ne një situatë të tillë për të shmangur çdo pasaktësi u është kërkuar të gjithë punonjësve te depozitojnë gjurmët e gishtave në mënyrë që të vërtetohet nëse këto shenja janë lënë nga grabitësit apo nga hetimet e bëra nga policia pas ngjarjes.

Ndërkaq në anën tjetër janë marrë të gjitha kamerat e sigurisë të bizneseve të zonës që operojnë përgjatë autostradës nga çifligu deri në Kapshticë për të parë nëse në orët kur kanë ndodhur ngjarjet ka pasur lëvizje të mjeteve të dyshimta. Tre ngjarjet e mëngjesit të djeshëm tronditën Korçën dhe opinionin publik ndërsa Policia e juglindjes është duke hetuar me imtësi çdo detaj të mundshëm.

 

d.gj/ Shqiptarja.com