POP 5

Lajmet më të lexuara të 5 minutave të fundit

Sociale

3 muaj nga tërmeti, banorët në Korçë në qiell të hapur: Po vjen dimri, Zot na ndihmo! Më vdiq vjehrri dhe qëndruam jashtë

3 muaj pas rënies së tërmetit, banorët e Qafëzëzës ende qëndrojnë në çadra apo kasolle për shkak se banesat e tyre janë të dëmtuar. Ata shprehen se ndërtimi i shtëpive të tyre nuk ka filluar, ndërsa kërkojnë zgjidhje të menjëhershme pasi me ardhjen e dimrit gjendja në të cilën ato ndodhen është e papërballueshme.

Ju premtuan se shtëpitë e tyre do të ndërtohen e riparohen para vjeshtës, por ende sot pas 3 muajsh nga rënia e tërmetit në fshatin Qafzezë të Korçës, nuk ka filluar asnjë ndërtim. Banorët rrëfejnë së strehimi tek çadrat, kasollet apo kontenierët është i papërballueshem, sidomos gjatë stinës së vjeshtës dhe dimrit. Ata bëjnë thirrje që të merren sa më shpejt masa për shkak se kushtet në të cilat ata ndodhen  janë shumë të vështira.

"Ne jemi të dëmtuar shumë nga ky termet. Presim të vihet dorë. Po na vjen dimri ku do rrinë njerëzit, ku do të flenë. Ne e kemi plakën në shtëpi. Është e sëmurë me tension e zemër. Ku do ta çojmë ne. Komshija vdiq. njerëzit qëndruan përjashta.  Prandaj të vihet dorë sa më shpejt. Ne nuk kemi mundësi. Asnjë banesë nuk ka filluar të rindërtohet".

"Kërkova çadër nuk më sollën. Jam me 5 fëmijë të vegjël. Na kanë rënë shtëpitë. As një shtëpi nuk është bërë.  Ranë shirat dhe  çadër nuk kemi. Shtëpitë i kemi mos më keq o zot. Se çfarë do të bëhet tani një Zot i madh e di". "Shumë të vështirë e kemi çfar të bëjmë" thanë ata.

Në banesën e shkatërruar, familjes Karafili me 5 fëmijë të vegjël, i është dashur që edhe humbjen e njërit prej pjesëtarëve të familjes ta kaloje më qiell të hapur.

"Shtëpitë janë bërë të pabanueshme . Kemi frikë të qëndrojmë brenda dhe flemë në çadër. Mua më vdiq vjehërri dhe njerzit qëndruan jashtë. Tani  8 persona qëndrojmë në çadër. Po vjen dimri. Nuk kemi ku të rrimë e ku të flemë". Për disa banorë ende ka shprese, por për disa te tjere ajo eshtë shuar dhe kanë nisur të ndërtojnë vetë nga e para shtëpitë e tyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Geke: 07/09/2019 22:06

    Po keta plehrat qeveritare na thane qe kane filluar ndertimet e shtepive.... si nuk i lane genjeshtrat keta qelbesirat..... me vrap te ndertojne ndonji rruge qe ska kaluar viti qe eshte bere sepse aty vjedhin ata kurse populli i varfer te rrije ne qiell te hapur dimer vere.... po paguajme lloj lloj taksash te cuditshme dhe nuk marrim mbrapsh asnje lloj sherbimi nga keta qelbesira.... Zoti ka per ti dhene denim shume mizor atyre....

    Përgjigju
  • Robert: 07/09/2019 19:38

    Qeveria ka dale te gjeje nuse per te rinjte e fshatit. Shtepite le te presin.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja