Apeli i Krimeve të Rënda ka nisur sot shqyrtimin e ankimimit të 39 personave të arrestuar për trafik klandestinësh drejt Amerikës, Kanadasë dhe Britanisë së Madhe. Të arrestuarit kanë kërkuar të hetohen në gjendje të lirë, ndërsa Prokuroria ka lënë në fuqi masën e sigurisë ‘arrest me burg’.
Në këtë grup kriminal ishin të përfshirë edhe 4 efektivë policie, ndërsa një tjetër efektiv u arrestua për dekonspirim operacioni. Operacioni i koduar ‘One if by land’ u krye me ndihmën e Interpol dhe Europol, ku rezultoi se banda kriminale kishte trafikuar mbi 1 mijë shqiptarë në këmbim të shumave 25-30 mijë dollarë për një vizë.
Ndërkohë, Prokuroria i ka kërkuar policisë dhe Interpol të arrestojnë 12 personat e shpallur në kërkim, si pjesë e këtij grupi.
Komente
